Lámes olbmuid vuoigatvuođaid ráđđádallangoddi VANE

Lámes olbmuid vuoigatvuođaid ráđđádallangoddi VANE lea ON:id lámes olbmuid vuoigatvuođaid guoski oktasašsoahpamušas dárkkuhuvvon stáhta koordinerenvuogádat. Dan bargun lea álkidahttit oktasašsoahpamuša sisriikkalaš ollašuhttima.

Ráđđádallangoddi doaibmá sosiála- ja dearvvasvuohtaministeriija oktavuođas. Dan bargguin mearriduvvo ásahusain, man mielde dan bargun lea

• ovddidit ja oktiiheivehit oktasašsoahpamuša sisriikkalaš ollašuhttima ja lámes olbmuid vuoigatvuođaid vuhtiiváldima buot hálddahussurggiid doaimmain
• ráhkadit doaibmabadjái doaibmaprográmma, mas meroštallojit oktasašsoahpamuša ollašuhttima ovddideami sisriikkalaš guovddáš ulbmilat, daid ovddideaddji vuogit ja maiddái dárbbašlaš čuovvun
• nammadit gaskavuođas lámes olbmuid ovddasteaddjiid ON:id oktasašsoahpamuša 33 artiklas dárkkuhuvvon oktavuohtaorgána doibmii.

Ráđđádallangoddi čohkiida ministeriijaid, lámes olbmuid ja sin oapmahaččaid, bargomárkanorganisašuvnnaid, gielddaid ja eanangottiid sihke dutkamuša ovddateaddjiin. Ráđđádallangottis leat ságajođiheaddji ja várreságajođiheaddji lassin eanemustá 16 lahtu. Ráđđádallangottis leaba váldočálli ja plánejeaddji. Stáhtaráđđi nammada ráđđádallangotti njealje jahkái hávil.

ON:id lámes olbmuid vuoigatvuođaid guoski oktasašsoahpamuš ja dan válljenvuloš beavdegirji bohte Suomas fápmui 10.6.2016. Fápmuiboahtima mielde riikkaviidosaš lápmásiidráđi sadjái vuođđuduvvui lámes olbmuid vuoigatvuođaid ráđđádallangoddi. Dat doaibmá oktasašsoahpamuša 33 artiklas dárkkuhuvvon koordinerenvuogádahkan.