Vádulij ulmui vuoigâdvuođâi ráđádâllâmkodde VANE

Vádulij ulmui vuoigâdvuođâi ráđádâllâmkodde VANE lii OA vádulij ulmui vuoigâdvuođáid kyeskee almossopâmuš miäldásâš staatâlâš koordinistemvuáhádâh. Ton pargon lii älkkeedittiđ almossopâmuš aalmuglii olášuttem.

Ráđádâllâmkodde tuáimá sosiaal- já tiervâsvuođâministeriö ohtâvuođâst. Ton pargoin asâtteh asâttâssáin, mon mield ton pargon lii

  • ovdediđ já oohtânheiviittiđ almossopâmuš aalmuglii olášuttem já vádulij ulmui vuoigâdvuođâi vuotânväldim puoh haldâttâhsuorgij tooimâst
  • rähtiđ toimâpajan toimâohjelm, mast miärášuveh almossopâmuš olášuttem ovdedem tehálijd aalmuglijd uulmijd, taid ovdedeijee vuovijd sehe tárbulii čuávvum
  • nomâttiđ juávhustis vádulijd ulmuid ovdâsteijee uásálistee OA almossopâmuš 33 artikla miäldásii ohtâvuođâpele tooimân.

Ráđádâllâmkodde šadda ministeriöi, vádulij ulmui já sii aldasij, pargomarkkânseervij, kieldâi  já eennâmkuudij sehe tutkâmuš ovdâsteijein. Ráđádâllâmkoddeest láá saavâjođetteijee já värisaavâjođetteijee lasseen enâmustáá 16 jesânid. Ráđádâllâmkoddeest láá uáivičällee já vuávájeijee. Staatârääđi aasât ráđádâllâmkode neelji ihán häävild.

OA vádulij ulmui vuoigâdvuođáid kyeskee almossopâmuš já ton valjimiävtulâš pevdikirje šoddii Suomâst vuáimán 10.6.2016. Vuáimánšoddâm mield väldikodálii vádulijrääđi sajan vuáđudui vádulij ulmui vuoigâdvuođâi ráđádâllâmkodde. Tot tuáimá almossopâmuš 33 artikla miäldásii koordinistemvuáhádâhhân.